Preparar unha relación de destinos require algo máis que saber onde está cada centro. Cómpre consultar distancias, valorar os desprazamentos e ir axustando a orde ás preferencias persoais. A nova versión de Cole Maps reúne estas tarefas nunha interface renovada.

Explora desde a túa localización

O primeiro paso é indicar o punto desde o que queres calcular os desprazamentos. Podes buscar un enderezo ou escoller a localización directamente no mapa, substituíndo a localización aproximada detectada automaticamente.

Na pestana Explorar podes buscar centros, aplicar filtros e ordenar os resultados por distancia ou tempo de desprazamento. Tamén podes establecer un tempo máximo e alternar entre as vistas de lista, tarxetas e mapa.

Dos resultados á túa lista de destinos

Unha das principais novidades é A miña lista, un espazo para preparar a túa propia orde de centros.

Cando teñas os resultados que che interesan en Explorar, preme «Usar estes centros na miña lista». Trasladaranse os centros filtrados na orde que estás vendo.

A partir de aí poderás:

• Cambiar a orde, arrastrando os centros, usando as frechas ou indicando a posición.
• Quitar os centros que non che interesen.
• Recuperar individualmente os centros quitados, sen ter que restauralos todos.
• Engadir notas privadas a cada centro.

A lista e os cambios gárdanse no navegador para que poidas continuar noutro momento desde o mesmo navegador e dispositivo.

Máis información na ficha de cada centro

As fichas reúnen o mapa de localización, o catálogo e as especialidades do centro, xunto cos accesos a Como chegar, Street View, ColeAdvisor e a ficha oficial.

Tamén incorporan unha estimación do custo mensual do desprazamento en combustible, que podes axustar indicando os días de asistencia, o consumo do vehículo e o prezo do combustible.

Os códigos, na túa orde

Cole Maps mantén unha das súas funcións principais: facilitar a obtención dos códigos de centro e de localidade.

Podes copialos individualmente desde o listado ou copiar e exportar os códigos da túa selección en formato de texto, PDF ou Excel. Se traballas desde A miña lista, obteralos na orde que preparaches.

Accede a Cole Maps en ProfesoradoGalicia.com e prepara a túa próxima lista de destinos.