Bolsa de Permutas

A bolsa de permutas de ProfesoradoGalicia.com permite ao profesorado intercambiar prazas de maneira sinxela, privada e segura. Segue estes pasos para participar:

1. Inicia sesión na túa conta de ProfesoradoGalicia.com. Se aínda non estás rexistrado/a, podes crear unha conta.
2. Publica a túa permuta cubrindo o formulario coa información da túa praza actual e as túas preferencias de intercambio.
3. Recibe notificacións de mensaxes directamente na bolsa de permutas:
   - Se alguén contacta contigo por unha das túas permutas, verás un aviso en cor vermella indicando o número de mensaxes pendentes. As mensaxes estarán dispoñibles no correo electrónico co que te rexistraches en ProfesoradoGalicia.com. Recomendámosche que revises a túa bandexa de correo non desexado, por se algún correo foi alí accidentalmente.
   - Unha vez lidas as mensaxes no teu correo, podes marcalas como lidas na bolsa de permutas facendo clic no botón correspondente, para que o aviso desapareza. Cando recibas novas mensaxes, a notificación volverá aparecer.
4. Consulta as permutas dispoñibles publicadas por outros docentes. Podes filtralas segundo as túas necesidades.
5. Contacta facendo clic en "Contactar" para enviar unha mensaxe ao usuario que publicou unha permuta. O contacto entre usuarios realízase sen expor directamente os correos electrónicos, a través dun sistema interno privado e seguro.
6. Elimina a túa permuta se xa non necesitas intercambiar a praza.

• IMPORTANTE
• O persoal en comisión de servizos non pode realizar permutas.
• Non se permite permutar prazas asignadas na resolución provisional do CXT ou do CADP.
• Prazos para permutar a través do procedemento EDO02A:
• 10 días hábiles desde a resolución definitiva do CADP e 4 días hábiles desde o 1 de setembro.
• Docentes que non participan no CADP do 15 ao 31 de xullo.
• As permutas definitivas é recomendable solicitalas ao final do curso escolar.
• En caso de dúbidas, podes consultar aquí toda a lexislación relacionada coas permutas provisinais e definitivas.
• Este titorial explica como solicitar unha permuta.