Con esta iniciativa, substituímos a antiga sección de material de oposicións, buscando mellorar o servizo e centrarnos en catro categorías principais:

• Preparadoras ou preparadores de oposicións
• Alugueiro (pisos, cuartos etc.)
• Compañeir@ de viaxe (para compartir desprazamentos e gastos)
• Ofertas de traballo (no ámbito do ensino ou relacionadas)

Para que serve o Taboleiro Docente?

O Taboleiro Docente está ideado para que calquera usuario rexistrado en ProfesoradoGalicia.com poida publicar e atopar anuncios de interese xeral no eido educativo. Se precisas, por exemplo, compartir piso, buscar compañeir@s de viaxe ou unha oportunidade de emprego, aquí terás un punto de encontro fiable e especializado.

Como funciona?

1. Acceso: Para publicar no Taboleiro, debes ter unha conta en ProfesoradoGalicia.com e estar logueado. Se aínda non tes unha, podes creala de forma gratuíta.
2. Clasificación e Título:
   • Escolla se o teu anuncio é de “Oferta” ou “Demanda”.
   • Escribe un título que describa o que buscas ou ofreces.
3. Detalles:
   • Dispós de ata 300 caracteres para engadir información relevante.
   • Explica claramente o que ofreces ou solicitas para que as persoas interesadas se poidan poñer en contacto con máis facilidade.
4. Categorías e localización:
   • Elixe a categoría do anuncio: Preparadora oposicións, Alugueiro, Compañeir@ de viaxe ou Oferta de traballo.
   • Indica a provincia e o concello para segmentar a busca xeograficamente.
5. Publicación:
   • Ao rematar, acepta a política de privacidade e os termos de uso e preme en “Publicar”.
   • Cada usuario pode ter un só anuncio por categoría e por cada tipo (Oferta ou Demanda) de xeito simultáneo. Se queres mudar algo, borra o teu anuncio anterior e volve publicalo.
6. Listaxe de anuncios:
   • Na mesma páxina atoparás todos os anuncios publicados. Tes un botón de contacto para enviar unha mensaxe á persoa anunciante, que recibirá no seu correo electrónico.
7. Denuncia de anuncios:
   • Se ves un contido que consideras inadecuado, fraudulento ou que vulnere dereitos, podes denuncialo a través do botón correspondente.

Normas básicas para publicar

• Non se admiten anuncios sobre material ou academias de oposicións.
• Cada usuario é responsable da veracidade dos datos que publica e do seu contido.
• Os anuncios serán eliminados automaticamente o 31 de agosto de cada ano, independentemente da data de publicación.
• Debes respectar os Termos de Uso e a Política de Privacidade que aceptas ao publicar un anuncio.

Compromiso coa privacidade e seguridade

• Non compartimos publicamente o teu correo electrónico nin outro dato persoal con terceiros.
• A comunicación establécese a través da plataforma: cando un usuario preme no botón de “Contactar”, envíase a mensaxe de forma interna e só a persoa anunciante recibe o contido no seu correo.
• Deste xeito, garantimos que non se amose a túa dirección de email nin outra información persoal a persoas descoñecidas, reforzando a túa privacidade.

Queres probalo?

Animámoste a probar xa o Taboleiro Docente e a deixarnos nos comentarios as túas suxestións, melloras ou dúbidas para seguir optimizando este servizo. Podes contarnos tamén se crees que Infojobs, Blablacar ou Fotocasa se sentirán ofendidos e nos botarán en cara este novo servizo por “invadir” os seus dominios. Desde aquí, un saúdo afectuoso e as nosas desculpas anticipadas, non vaia ser que tamén nos vexamos forzados a desmantelar o taboleiro docente.