Baixo o título “Oposicións docentes: preparación, realidade e perspectivas”, esta primeira edición poderá seguirse en directo a través da canle de Twitch de Pablo Rodríguez Vila.

Un faladoiro para escoitar, compartir e mellorar

O formato é claro: unha conversa distendida e honesta, con participación aberta do público, sobre temas que nos afectan como docentes. Nesta primeira sesión, abordarase un dos procesos máis importantes (e tamén máis esixentes) na vida profesional do profesorado: as oposicións.

Participarán catro docentes que compartirán a súa experiencia en primeira persoa:

• Nuria Varela Fernández
• Xoana Alonso Cal
• Susana Fernández Louro
• Alberto Fortes Novoa

A moderación correrá a cargo de Pablo Rodríguez Vila, quen dinamizará o encontro con preguntas clave sobre a preparación, os exames, a xestión emocional ou as perspectivas de futuro.

Un proxecto con vontade de continuidade

O Faladoiro Educativo nace como unha serie de encontros periódicos organizados por ProfesoradoGalicia.com, coa intención de dar voz ao profesorado galego e crear comunidade arredor do debate, a reflexión e o apoio mutuo.

Cada faladoiro centrarase nun tema concreto, sempre desde unha perspectiva crítica, construtiva e en galego.

Primeiro Faladoiro Educativo
Tema: Oposicións docentes: preparación, realidade e perspectivas
Data: Domingo 27 de abril
Hora: 20:00 h
En directo en: twitch.tv/pablorodriguezvila
Organiza: ProfesoradoGalicia.com