En Docentia, entendemos que ás veces hai historias e experiencias que deben ser contadas, pero que poden resultar difíciles de compartir abertamente. Por iso, anunciamos que agora admitimos artigos anónimos. Queremos asegurar que todos os membros da comunidade educativa teñan a oportunidade de expresar as súas opinións, inquietudes e vivencias, sen preocuparse pola súa identidade.

Por que admitimos artigos anónimos?

A decisión de permitir artigos anónimos xurdiu tanto das solicitudes recibidas no noso correo electrónico como do noso compromiso de proporcionar un espazo seguro e inclusivo para todos os docentes. Sabemos que hai temas sensibles e situacións complexas que poden afectar a vida profesional e persoal das docentes. Ao ofrecer a posibilidade de publicar de forma anónima, queremos:

• Permitir que os docentes compartan as súas experiencias reais sen medo a represalias.
• Garantir que a identidade dos autores permaneza confidencial se así o desexan.
• Incorporar historias e perspectivas que doutro xeito poderían quedar silenciadas.

Como enviar un artigo anónimo

Se desexas enviar un artigo anónimo a Docentia, o proceso é moi sinxelo, simplemente hai que enviar un correo electrónico a docentia@profesoradogalicia.com, tal e como se indica no punto 2) das nosas políticas de publicación. O resultado é o que podes ver neste mesmo artigo anónimo que estás lendo.

Únete a Docentia!

Ademais de artigos anónimos, seguimos buscando voces novas que queiran compartir os seus coñecementos, experiencias e recursos educativos.

Ao unirte a Docentia, non só terás a oportunidade de publicar os teus artigos, senón que tamén formarás parte dunha rede de educadores que valoran a colaboración e o intercambio de ideas. Os teus artigos chegarán a máis de 50.000 docentes a través das nosas redes sociais, ofrecéndoche unha plataforma para amplificar a túa voz e contribuír ao desenvolvemento educativo.

Se tes algo que contar, sexa de forma anónima ou co teu nome, animámoste a unirte a Docentia.

---