Os principais motivos da concentración inclúen:

• Horarios lectivos excesivos en comparación co resto do Estado.
• Négase a redución de ratios pactada, incumprindo os avances previstos para o próximo curso.
• Situación do galego: sen avances reais nun pacto pola lingua, o galego segue reducindo o seu peso total no ensino.
• Carga burocrática: non hai medidas efectivas para reducir a carga burocrática que sofren os centros.
• Reformas de FP: a improvisación e falta de transparencia nas reformas da FP xeran incerteza no profesorado.
• Discriminación salarial do profesorado de FP e do persoal substituto.
• Ausencia de medidas efectivas para compensar o traballo de coordinación e xestión nos centros, preferindo medidas desiguais e insuficientes.
• Temporalidade e emprego: a negativa a incorporar novas prazas nas oposicións mantén as altas cifras de temporalidade e a falta de estabilidade laboral.

Resulta moi curioso ver o silencio e a inacción das organizacións sindicais que asinaron o Acordo de melloras (CCOO, ANPE e UXT), especialmente sabendo que non se vai cumprir a maioría dos seus puntos. É preocupante que estas organizacións, a pesar de ter información facilitada polos centros e pola propia Consellaría sobre o incumprimento, non movan un dedo para protestar contra esta situación. Asinaron un acordo que saben perfectamente que non se vai cumprir e, agora, permanecen pasivos fronte á falta de compromiso.

Desde aquí, insto a todo o profesorado a manifestar o seu descontento e defender os seus dereitos na protesta convocada pola CIG-Ensino.