Por que nace?

Moitas decisións profesionais —escoller destino no CXT/CADP, solicitar comisión de servizos, preparar unha permuta ou simplemente coñecer mellor o teu centro— melloran cando hai datos reais, contrastados e útiles, achegados por quen vive a realidade dos centros: o profesorado. ColeAdvisor nace co obxectivo de ordenar esas achegas e poñelas ao servizo da comunidade.

Que é Coleadvisor?

Un espazo colaborativo no que o profesorado pode valorar e comentar centros educativos. Cada entrada inclúe:

• Puntuación global (0–5).
• Subpuntuacións por categorías: equipo directivo, clima e convivencia, instalacións, organización, alumnnado, …
• Comentario cualitativo opcional con matices e consellos prácticos.

A idea central: axudarnos entre iguais con información práctica, honesta e respectuosa.

Como se usa?

1. Entra en ProfesoradoGalicia.com e busca Coleadvisor.
2. Busca un centro.
3. Consulta valoracións: media global, medias por categorías e comentarios.
4. Valora o centro: pon nota global e nas categorías e engade comentario con exemplos (“claustros ben planificados; boa dotación en Ciencias; aparcadoiro xusto os venres…”).
5. Garda a valoración.

ColeAdvisor funciona porque ti participas. O valor está na pluralidade de voces, na honestidade e no ton construtivo. Se cada quen achega unha peza, teremos unha foto real dos nosos centros vista desde dentro.

Valora o teu centro en menos dun minuto e axuda a mellorar a información que todas e todos precisamos.